26Sep2008: Si Rayver Cruz ang ‘big crush’ ni Sarah Geronimo!

Si Rayver Cruz ang ‘big crush’ ni Sarah Geronimo!
Pinoyparazzi.com
September 26, 2008
Melchor Bautista


WALANG KINUMPIRMA SI Sarah Geronimo, kung sino talaga kina Piolo Pascual, John Lloyd Cruz, Erik Santos, Mark Bautista at Rayver Cruz ang lalaking malapit talaga ngayon sa kanyang puso. Pero nagparamdam siya ng maraming kilig nitong huli na kantiyawan siya tungkol kay Rayver, dahil may naikuwento na diumano si Sarah, na ang inspirasyon niyang lalake sa showbiz ay matangkad at magaling sumayaw.

Nakarating na raw kay Rayver ang diumano’y mga kilig ni Sarah kapag nababanggit ang kanyang pangalan. Puro ngiti lang din naman ang reaksiyon ng young actor, dahil bilib din naman siya sa mga katangian ng actress-singer. Pero takot din naman ang pinsan ni Sheryl Cruz, na mapagbintangan siyang sumasakay sa popularity ng anak ni Mrs. Divine Geronimo.
Palagi namang nagkikita sina Sarah at Rayver kapag Sunday sa programang ASAP ‘O8 ng ABS-CBN, kaya bahala na si Rayver kung gagawa na siya ng first move para magparamdam ng panliligaw sa singer. Ano ba sila? Hindi pa nagkaka-boyfriend ang dalaga ni Mommy Divine, at loveless din naman ang matangkad na aktor. Para nga daw silang Guy & Pip noon. Bagay silang tingnan.