29Sep2008: Rayver Cruz "flattered" to be Sarah Geronimo's crush

Rayver Cruz "flattered" to be Sarah Geronimo's crush
PEP.COM
September 29, 2008
Melba Llanera


Naging tampulan ng tukso few Sundays ago sa programang The Buzz si Sarah Geronimo nang diretsahan siyang paaminin kung sino ba talaga ang tinutukoy niyang crush niya na kasamahan sa ASAP '08 na magaling sumayaw at ‘pag nakikita niya ay nakakaramdam siya ng saya.

Walang komento si Sarah nang banggitin sa kanya ang mga pangalan nina ang leading man niya sa A Very Special Love na si John Lloyd Cruz at iba pang kasamahan sa ASAP '08. Pero nang masabi ang pangalan ni Rayver Cruz ay nag-blush si Sarah sabay tawag sa pangalan ng inang si Mommy Divine.

Wala mang diretsahang pag-amin na si Rayver nga ang tinutukoy ni Sarah, nabuo sa isip ng marami na mukhang ang young actor nga ang pinapatungkulan ng Pop Princess base na rin sa reaksiyon niya.

Nagkaroon ng pagkakataon ang PEP (Philippine Entertainment Portal) na makausap si Rayver sa launching ng Star Magic 2009 Catalogue kahapon, September 28, sa EDSA Shangri-La. Hiningi namin ang reaksiyon niya baka siya nga ang pinatutungkulan ni Sarah na crush nito.

"Kung sakali mang totoo yun, siyempre sobrang flattered ako," simula ni Rayver. "Sino ba naman ang hindi matutuwa, Sarah Geronimo yun? Pero wala naman kasi siyang sinabing pangalan, so mahirap magsalita.

"Aaminin ko crush ko talaga si Sarah. Kasi sino ba naman ang hindi magkaka-crush sa kanya? Nasa kanya na ang lahat ng katangian na magugustuhan ng isang lalake. She's pretty, magaling siyang kumanta, magaling sumayaw, at mahusay umarte, ‘tapos mabait pa," pag-e-enumerate ng bata.