LAHAT PO NG INI-ENDORSO KO, PINAG-AARALAN KO - SARAH

Thanks to Tita Cristy

LAHAT PO NG INI-ENDORSO KO, PINAG-AARALAN KO - SARAH
Bulgar - Len Llanes
08 February 2010
----------------------

NA-SURPRISE na kami noon ng umakyat ang Comedy King na si Dolphy sa entablado sa pagpapahayag ni Sen. Manny Villar sa kanyang aspiration na maging presidential candidate. Sinundan pa ito ng makabagbag damdaming pag-endorso ng Ace Comedian on TV sa nasabing kandidato.

Pero ang talagang nakakagulat ay nang humarap namin ang POP PRINCESS na si SARAH GERONIMO sa isang presscon kasama ang nag-iisang anak na babae ni Sen. Villar na si Camille.

Si Camille at si SARAH ang magiging ambassadress ng grupong Katropa na binuo ng kampo ni Senator Villar para maabot nila ang youth sector. Magkakaroon sila ng outreach campaign at visit sa mga school campuses.

Paliwanag ni Camille, "Para makatulong sa mga kabataan in terms of personality development at in writing." At pwede ring enterpreneurship as explained ng ilang kasamahan ng would-be president.

As always, si SARAH was in her best element. And why Villar? "Naniniwala po ako sa kanya, sa kanyang advocacy." Ni-research daw muna nila ang tungkol kay Villar bago umoo ang POP PRINCESS to join the group.

"Lahat naman ng ini-endorse ko, pinag-aaralan ko gaya po nung kay Senator Angara, 'yung sa TESDA, at itong kay Senator Villar."

Si SARAH ang kakanta ng latest version ng jingle na Maging Mahirap, 'yun bang kinakanta ng mga bata na nagsisimula sa..."Nakaligo ka na ba sa dagat ng basura..." And she says, "Nakanta ko siya out of recall, madaling tandaan ang lyrics." Ang ganda ng version ni SARAH, mas madamdamin.

Aware din daw siya na coupled with her endorsement marami siyang batikos na matatanggap tulad ng sinusuportahan niyang kandidato. "Alam kong madadamay ako, pero pinag-isipan ko na yan. I will try to work harder na lang."

Sabi tuloy ni Camille, "sana yung mga batikos sa amin na lang, huwag na dun sa mga taong tumutulong lang sa amin." For a fact ang mga celebrity endorser ni Sen. Villar tulad nina Michael V, at Dolphy at isama na rin natin si Willie at ngayon ay si SARAH, malilinis ang track record. Of course sina Dolphy at Willie, chicks lang ang masasabing weakness.

When asked kung ii-invite niya rin ang friend niyang si Rayver Cruz to join in the advocacy, mabilis pa sa alas-kuwatrong sumagot ito ng, "Siyempre naman." At sa banat ng isang writer na mukha kunong may secret relationship sila ni Rayver, sagot ni SARAH, "Oo naman, close kami at bestfriend ko siya." Eh, nan'dun si Mommy Divine di na makahirit ng iba pang kontrobersiyal na tanong ang iba pang writers.

Right now, SARAH is doing HATING MAGKAPATID with Judy Ann Santos and Luis Manzano. "Ang sarap ka-trabaho ni Direk Wenn Deramas. Gaganahan mong magtrabaho hanggang alas-dose ng hating-gabi," sey ni SARAH. Masarap din daw katrabaho si Luis, "Mas kenkoy nga siya kaysa kay John Lloyd Cruz."

But sad to say, walang Valentine date ang POP PRINCESS. "May work schedule po kami sa araw na 'yun."

Poor little rich nga ba si SARAH?