Pasko ni Rayver Malungkot pa rin

Pasko ni Rayver, malungkot pa rin

(ALLAN DIONES)

Unang Pasko ng pamilya ni Rayver Cruz na hindi na nila kasama ang daddy niyang si G. Rodolfo Ilustre (na pumanaw nu’ng Oktubre 19 sa edad na 75).
Nalulungkot ang 20-anyos na bagets pag naiisip niya ang kanyang nasirang ama. Very gene­rous ang daddy ni Rayver at lagi silang may gift sa bawat okasyon hindi lang ‘pag Pasko, kaya ramdam na ramdam nila ang pagkawala nito.
Sabi ni Rayver, ayaw niyang naiiwan na mag-isa sa bahay dahil ‘pag siya lang ay nami-miss niya ang papa niya at umiiyak pa rin siya. Si Rayver ang bunso sa tatlong magkakapatid, panganay ang Kuya Omar niya at gitna ang nasa showbiz ding si Rodjun.
Memorable gift sa kanya ng dad niya ang Cool Water perfume na gamit niya hanggang ngayon dahil ‘yun din ang pabango nito. Nang pumanaw ang daddy niya ay lalong tumatak sa isip ni Rayver ang mga payo nito nu’ng nabubuhay pa.
May katandaan na ang dad niya kaya ‘pag kasama niya ito sa mall ay madalas itong pagkamalan na lolo niya. Kahit ganu’n ay cool na cool ang daddy niya at madalas pa siya nitong biruin na ang guwapu-guwapo niya, matangkad pa at tisoy pero hindi pa siya nagkaka-girlfriend.
Katwiran ni Rayver, darating din ang tamang panahon para magka­nobya siya, ayaw niyang madaliin kung hindi pa panahon.
Okey pa rin si Rayver at ang nali-link sa kanyang si Sarah Geronimo. Sinabihan namin ang bagets na yayain niyang mag-movie si Sarah dahil mahilig itong manood ng sine.
May filmfest entry ang guwaping na young actor, kasali siya sa cast ng ‘Lamang Lupa’ episode ng Shake, Rattle & Roll XI. Next time na makita namin si Rayver ay aalamin namin kung sinunod niya ang tip namin na yayain niyang mag-watch ng SRRXI si Sarah.

sarah & rayver...sama nyo ako pag manood kayo ha!!! as chaperon...hehehe

na invite na kaya ni papa si mama? ayieeeeeeeee